“我會寫好喱個 blog
日日勤寫唔吞 pork
猛料爆笑 round the clock
Fan 屎瘋狂猛咁 rock”
Tar Lor Lor 2012 特區狗長參選政網
昨晚同 daddy 重溫 車軚同毛巾的口水 show，睇到我熱血沸騰，決心在 2012 參加一人一票特區狗長選舉。我會為我的選民爭取開放全港公園俾我地享用，而且搭乘所有公共交通公具有半價優惠…………
真係車軚上身! 其實個口水 show 實在幾好睇，尤其是車軚俾毛巾糟質個時，見到車軚皮笑肉不笑，面容扭曲個尷尬樣，實在一絕。須然毛巾辯論方面拋離車軚成條街，但係車軚有嘉應子，好好心等鐵票撐住，真係想輸都幾難。所以今天我想講吓張 The Hierophant 卡。這張卡要我們學會遵守國家法律，社會的道德規條，和待人接物的規矩，亦包括對宗教信條的遵守。車軚所代表的，就是這張卡。共建和諧社會，人人有工做。一切要按步就班，循序漸進。聽落去好似好有道理，但你睇下車軚，個樣係唔係越嚟越似 Madame Tussard 嗰啲臘像人? 當你為了安穩，選擇犧牲自主，最終你和我都會變成一個一個衹會對人傻笑的臘像人。
毛巾則可以用 reversed 了的 The Hierophant 作為代表。它代表挑戰一些固有的想法，建制和傳統。不過，它亦可以代表極端的保守主義，或原教旨主義者，例如嘉應子和吹大炮。
我的爺爺和車軚的施政觀念可謂同出一轍。他主張和諧，換句話請，即係有佢講冇你講。你聽佢話，便有得賞。如果有日你心情不佳，佢叫你而你唔想應㗎話，咁便會被人罵。我同表哥 Cookie 唔同，我唔會為五斗米折腰的。所以一直以來，我都在搞抗爭，專吼佢唔記得關房門便上佢張床 pee pee. 所以你知我支持車軚定毛巾啦?
話晒，毛巾對我嚟講 點都係實用啲。
